Startap komandamız İsveçrədə investorlar qarşısına çıxacaq
Bu gün 12 startap seçilərək finalda təqdimat etmək imkanı qazanacaq
Məlumat verdiyimiz kimi, yerli startap layihəmiz Kvotter hazırda İsveçrədə keçirilən Seedstars World Summit-də iştirak edir.
Xeberler.az-ın məlumatına görə, Summit çərçivəsində bu gün startaplar üçün Demo Day təşkil edilib.
Belə ki, Seedstars World-ə seçilmiş bütün startaplar öz layihələrinin qısamüddətli təqdimatını edəcək.
Azərbaycanın startap komandası da birazdan təqdimat etməyə hazırlaşır.
Qeyd edək ki, bu mərhələdə 12 startap seçilərək finalda təqdimat etmək imkanı qazanacaq.
Aprelin 6-da keçiriləcək Seedstars World Summit-də 12 startapdan arasından qaliblər müəyyən ediləcək.
Qeyd edilib ki, qaliblər üçün bir neçə kateqoriya müəyyən edilib. Belə ki, 1-ci yeri 500 min ABŞ dolları mükafat gözləyir.
