Maliyyə axtaran startapların nəzərinə- 4 gün qaldı
Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun elan etdiyi VI qrant müsabiqəsinə layihələrin qəbulu 4 gündən sonra başa çatacaq.
Bu barədə Xeberler.az-a Fonddan məlumat verilib.
Fondun bu günə qədər keçirdiyi 5 qrant müsabiqəsinə təqdim olunmuş 754 innovativ və tətbiqi elmi-texniki layihədən 112-nə qrant ayrılıb.
İcrası yekunlaşdırılmış layihələrdən 20-si kommersiyalaşdırılıb və fəaliyyətini davam etdirərək bazarda öz yerini tutub.
Cari qrant müsabiqəsinə layihələrin qəbulu 1 mart 2018-ci il tarixindən başlayıb və hazırda davam edir.
Layihələrin qəbulu 30 aprel 2018-ci il tarixində saat 18:00-da başa çatır.
Qrant müsabiqələrinə layihələrin qəbulu fondun rəsmi internet saytındakı (www.ictfund.gov.az) e-qrant bölməsindən təqdim oluna bilər.