Texnologiya nəhəngi Türkiyədə olub-Foto

Dünyanın texnologiya sahəsində ən məşhur adlardan biri də Elon Musk-dur.

Belə ki, Musk alternativ və bərpa olunan enerji, sürücüsüz avtomobil deyəndə ağıla ilk gələn adlardandır.

O, Tesla və Space X şirkətinin qurucusudur. 

Elon Musk noyabrın 8-də Türkiyəyə səhayət edib.

Xeberler.az xarici mediaya istinadən məlumat verir ki, Türkiyə Prezidenti Rəcəb Tayyib Ərdoğan Elon Musk-u qəbul edib.

Elon Musk ilə olan görüşün detallarını paylaşan prezident aparatının sözçüsü İbrahim Kalın Elon Musk-un “Turksat 5A-5B” peyklərinin kosmosa göndərilməsi üçün ölkəyə gəldiyini deyib.

O, Türksat peyklərinin buraxılması ilə əlaqədar Airbus ilə razılaşdıqlarını qeyd edib.

Kalin bu razılaşmanın təchizatçılarından birinin də Elon Musk-a məxsus SpaceX şirkətinin olduğunu deyib.

Görüşdə həmçinin sürücüsüz avtomobillər, bərpa olunan enerji, Tesla və SpaceX şirkətləri ilə bağlı bəzi məsələlər müzakirə edilib.