Azerbaijan English

Qərb Universitetində texnopark yaradılır

Azərbaycanın ilk özəl universitetlərindən olan Qərbi Kaspi Universitetində (Qərb Universiteti) texnopark yaradılır.

Universitetdən Xeberler.az-a verilən məlumata görə, texnoparkın qurulmasında məqsəd universitet tələbələrinin biznes ideyalarına, ixtiralarına, digər bu kimi fəaliyyətlərinə dəstək olmaq və kommersiyalaşdırılmasını təmin etməkdir.

Bildirilib ki, ictimaiyyətə açıq olacaq WCU Technopark gənclərin marifləndirilməsi, öz ideyalarının həyata keçirilməsi üçün maddi-texniki bazanın təmini və investorların cəlb edilməsi işlərini həyata keçirəcək.

Qeyd edək ki, texnoparka startap ekosistemindən tanıdığımız əvvəllər NEXT STEP İnnovasiya Mərkəzinin direktoru vəzifəsində və AMEA Yüksək Texnologiyalar Parkında çalışan Kamran İmaməliyev rəhbərlik edir.

Məlumata görə, hazırda texnoparkın tərkibində inkubasiya mərkəzi fəaliyyətə başlayıb. İnkubasiya Mərkəzində universitet tələbələri öz startap layihələri üzərində çalışırlar. Eyni zamanda, texnoparkın tərkibində mexatronika və robototexnika laboratoriyası qurulur.

Qeyd edilib ki, texnopark olaraq ölkədə təşəbbüskarların robototexnika və elektronika sahəsinə aid ideyalarının həyata keçirilməsi üçün şərait yaratmağı öz qarşısına məqsəd qoyub və hazırda bu istiqamətdə işlər görülür.

Startup.az

“Coca-Cola İlə Fərq Yarat” inkubasiya və akselerasiya proqramına start

Mart ayının 10-dan etibarən Coca-Cola Azərbaycan və İNNOLAND İnkubasiya və Akselerasiya Mərkəzinin tərəfdaşlığı ilə...

11 Mar 2020
StartupFest 2019 çərçivəsində DevOpsDays tədbiri təşkil olunub

22 noyabr 2019-cu il tarixində “StartupFest 2019” çərçivəsində və Azərbaycanda ilk dəfə “DevOpsDays” təşkil olunub.

ADA...

22 Nov 2019